الدكتور خالد رفعت يكتب .. كيف ضحك الاخوان والنكسجية على الشعب

0
1٬951 views

 22

كتب الدكتور خالد رفعت

قامت زوبعة كبيرة بعد القرار السليم جدا برفع تعريفة الجمارك على بعض السلع التى لها بديل محلى وللسلع الاستفزازية …. واستغل الاخوان ذلك لنشر اشاعة ان الاسعار حتزيد بنسبة 40% او اكثر …. وانساق البعض وراء ذلك …. ولكن الحقيقة مختلفة … ما حدث هو رفع تعريفة الجمرك بنسب مختلفة

فمثلا الكمثرى المستوردة اصبح الجمرك عليها 40% بدلا من 30% …. طب سعرها زاد كام ؟ اقولكم لو سعر استيرادها مثلا ما يعادل 5 جنية … كان حيتاخد عليها جمرك 1.5 جنية …. الان اصبح 2 جنية …. فسعرها فى السوق المفروض يرتفع من 10 جنية الى 10.5 جنية يعنى زاد سعرها نص جنية او ما يعادل 5% فقط !!

مثال تانى اللوز اصبح الجمرك عليه 20% وكان 15% …. يعنى زاد 5% فقط فى الجمرك … يبقى المفروض ان سعر البيع النهائى يزيد حوالى 3% فقط !!!

خدوا بالكم ان الحد الاقصى للجمرك 40% …. والحاجات اللى وصلت للحد الاقصى كانت اساسا 30% … يعنى زاد 10% بس من سعر الاستيراد … يعنى حوالى 5% من سعر البيع النهائى

والحاجات اللى كان جمركها 20% بقت 30% … يعنى برضة زادت 10% من سعر الاستيراد … يعنى حوالى 4 % من سعر البيع النهائى

واللى بيقول معندناش مصانع لمستحضرات التجميل اقوله عندنا صناعة محترمة فى مصانع ايفا .. ولونا .. واماندا .. وسارة .. وتشاو وغيرها كتير ..بس هى عقدة الخواجة عند بعض الهوانم … والمنتج المستورد حيزيد من 5 الى 10% … وده رقم قليل جدا للى عاوز يتمنظر ومش مدرك ان بلده فى حالة حرب !!

 

لا تعليقات

اترك رد