خالد رفعت يكتب لجيل الثورة احنا ساكتين على اثيوبيا لغاية دلوقتى ليه ؟

خالد رفعت يكتب لجيل الثورة احنا ساكتين على اثيوبيا لغاية دلوقتى ليه ؟

0
1٬497 views

 67666

بقلم الدكتور خالد رفعت

من دقائق اعلن رئيس الوزراء الاثيوبي هايلي ميريام ديسالين في مؤتمر صحافي مشترك مع نتانياهو، ان “اسرائيل تعمل بجهد كبير في عدد من البلدان الافريقية. وليس هناك اي سبب لحرمانها من وضع مراقب فى الاتحاد الافريقي … نريد ان تصبح اسرائيل جزءا من نظامنا الافريقي. نأخذ موقفا مبدئيا بجعل اسرائيل جزءا من اتحادنا”.

وطبعا ده تكرار للتعهد الصادر من 7 دول اللى اجتمع معاهم نيتنياهو اول امبارح (كينيا ورواندا واثيوبيا وجنوب السودان وزامبيا وملاوي واوغندا) … وبالمناسبة حيقوم نيتنياهو بجولة اخري فى دول غرب افريقيا فى شهر سبتمبر القادم للحصول على موافقتها وانهاء النفوذ المصري للابد من افريقيا.

اليوم تعهد نيتنياهو علنا بالتعاون الاقتصادى والامني (خد بالك من الامنى دى كويس) لاثيوبيا !!

= المعلومات المؤكدة هى بدء تخزين الماء فى سد النهضة من اسبوعين ليتم تخزين 14 مليار متر مكعب من حصتنا قبل 18 اغسطس 2017) وبمشاركة مهندسين اسرائيلين فى شركات ايطالية وصينية … (حسب صور الاقمار الصناعية التى بينت زيادة عرض النهر امام السد ثلاث مرات)

= بكل صراحة ما يحدث يمس الكبرياء والكرامة المصرية قبل مصدر الحياة للمصريين … لم تتجرؤ اثيوبيا ابدا (وابسط مثال التصريحات الوقحة لوزير خارجيتها ورئيس وزرائها وتحدى مصر مثل الان) … ولم تجرؤ اسرائيل ان تتآمر علينا علنا بهذا الشكل الفج قبل الان ….

قلتم نسكت ونسيب الحكومة تتصرف … طب يا حكومة ادي السد خلاص اتبنى وبدأوا يخزنوا المياة بتاعتنا … حنسكت لحد امتى؟ !! …. بقالكم سنة بتتفاوضوا عشان تحديد المكتب اللى حيحدد الاضرار الواقعة على مصر ولم تصلوا الى اى حاجة …. لانكم تتفاوضون من منطلق الضعيف والخائف …. لا من منطلق القوى الشجاع

من الاخر كما قال الرئيس السادات الله يرحمه “اكرم لنا نموت رجال هناك ولا نموت من العطش هنا” … وقصف السادات السد قبل كده فلم يفكروا ان يكرروها …. وكما هدد الرئيس مبارك والسيد عمر سليمان زيناوى وارتعب منهم …. لن يفهم الافارقة سوى لغة القوة والكرامة …. سيبكم بقى من حكايات الحب والتعاون و … كل حجج الضعفاء دى بقى …. مصر اكبر واعظم من ان تكون بهذا الشكل …. ومش عاوز حد يدخل يبرر ضعف موقف الحكومة .. حتبرر ايه ؟ السد خلاص بيخزن المياة ؟ لو مضربش دلوقتى … حتتراكم كمية مياة كبيرة امامه تمنعنا ان نضربه للابد خوفا علينا احنا من الغرق … بل سنكون احنا اول من يحميه …. It is now or never …. دى مش مشكلة داخلية بسيطة يمكن السكوت عنها … دى مستقبل وحياة وكرامة دولة عريقة اسمها مصر … لا تعرف حكومتها قدرها للاسف …. احنا الشعب لازم على الاقل نشكل رأى عام ضاغط على الحكومة يمكن ان تستغله الحكومة لصالحها لو ناوية تعمل حاجة …. مش عاوز اصحى على كابوس الاقى السيسي رايح بيشارك فى حفل افتتاح سد النهضة

لا تعليقات

اترك رد