الدكتور خالد رفعت يكتب لجيل الثورة حقيقة شراء امير سعودى لباركينج المطار

الدكتور خالد رفعت يكتب لجيل الثورة حقيقة شراء امير سعودى لباركينج المطار

0
1٬496 views

 13615079_10208205667353375_1907340300998492150_n

بقلم الدكتور خالد رفعت

مكنتش ناوى اكتب اى حاجة سياسة فى العيد كل سنة وانتم طيبيين … بس الموضوع ده استفزنى جدا … لقيت مليون واحد …ومواقع كتير كبيرة ..كاتبة عن شراء امير سعودى لباركينج المطار وانه ضاعف رسوم الركن ….

الحقيقة ان اللى كان بيأجر باركينج المطار هى شركة VAS المصرية بعقد يجدد سنويا .. وكان من شروط العقد ان يتم زيادة قيمة ما تدفعه الشركة “لهيئة ميناء القاهرة الجوي” بنسبة 5% سنويا والا تزيد رسوم الانتظار على السيارات .. (تتعوض من زيادة عدد السيارات كل عام)… واستمر الوضع ده 7 سنوات كاملة … ولكن من 6 اشهر اخطرت الشركة “هيئة ميناء القاهرة الجوي” انها اصبحت تخسر بسبب عدم وجود اماكن انتظار جديدة فى المطار وثبات عدد السيارات وزيادة مصاريف التشغيل واجور العمالة ومصاريف الصيانة وانها تطلب زيادة الرسوم والا لن تجدد العقد

رفضت “هيئة ميناء القاهرة الجوي” اى زيادة … وتم الاتفاق على عدم تجديد العقد فى 1 يوليو 2016 … وبالفعل رحلت شركة VAS ,,, وتقوم الان “هيئة ميناء القاهرة الجوي” بادارة الباركينج والبوابات بنفسها .,, اكرر بنفسها …. يعنى مفيش امير سعودى ولا غفير اماراتى …..

وبالفعل رفعت “هيئة ميناء القاهرة الجوي” الاسعار من 5 جنية الى 10 جنية للساعة …. ومن 20 الى 50 جنية لليوم الكامل

هنا انا لا الوم زوار الفيسبوك وتويتر على نشر الاشاعة لانهم ببساطة اخدوها من اكبر موقع اخبار عربي على النت “اليوم السابع” !!! ….. يا صحفيي اليوم السابع … شوية تعب للحصول على للحقائق … البلد مش ناقصة اشاعات تانية والنبى 

 

لا تعليقات

اترك رد